ਗ਼ਜ਼ਲ
(ਡਾ. ਸਾਥੀ ਲੁਧਿਆਣਵੀ)
ਜ਼ਿਕਰ ਬੀਤੇ ਪਲਾਂ ਦਾ ਕਰਿਆ ਨਾ ਕਰ ।
ਅੱਖ ਦੇ ਸਹਿਰਾਅ ਨੂੰ ਦਰਿਆ ਨਾ ਕਰ ।
=ਪਤਝੜਾਂ ਲੰਘ ਜਾਣ ਦੇਹ ਚੁਪ ਚਾਪ ਹੀ,
ਵਕਤ ਦੇ ਇਸ ਕਹਿਰ ਤੋਂ ਡਰਿਆ ਨਾ ਕਰ ।
=ਜ਼ਿੰਦਗ਼ੀ ਤਾਂ ਹੈ ਗ਼ਮਾਂ ਦੀ ਦਾਸਤਾਨ,
ਜ਼ਿਕਰ ਗ਼ਮ ਦਾ ਹਰ ਸਮੇਂ ਕਰਿਆ ਨਾ ਕਰ।
=ਅਗਰ ਮਨ ਵਿਚ ਤਲਬ ਮੰਜ਼ਲ ਪਾਉਣ ਦੀ,
ਫਿਰ ਕਦਮ ਤੂੰ ਸੰਭਲ ਕੇ ਧਰਿਆ ਨਾ ਕਰ।
=ਗ਼ਗ਼ਨ ਵਿਚ ਅੁਾਡਣੇ ਦੀ ਜੇਕਰ ਤਾਂਘ ਹੈ,
ਪਰਾਂ ਨੂੰ ਖੋਲ੍ਹਣ ਤੋਂ ਫਿਰ ਡਰਿਆ ਨਾ ਕਰ।
=ਇਕ ਸਮੇਂ ਇਕ ਨਾਲ਼ ਹੁੰਦਾ ਹੈ ਪਿਆਰ,
ਹਰ ਜਗ੍ਹਾ ਬੱਦਲ ਤਰ੍ਹਾਂ ਵਰ੍ਹਿਆ ਨਾ ਕਰ ।
=ਮਨ ਵਿਚ ਕੁਝ ਰੱਖ ਝਰੋਖ਼ੇ ਬਾਰੀਆਂ,
ਰੋਸ਼ਨੀ ਤੋਂ ਇਸ ਤਰ੍ਹਾਂ ਡਰਿਆ ਨਾ ਕਰ ।
=ਜਿਸ 'ਚ ਨਾ ਪੈਗ਼ਾਮ ਹੋਵੇ ਪਿਆਰ ਦਾ,
ਉਸ ਕਿਸਮ ਦੀ ਸ਼ਾਇਰੀ ਕਰਿਆ ਨਾ ਕਰ ।
=ਅਗਰ ਮਨ ਵਿਚ ਤਲਬ ਮੰਜ਼ਲ ਪਾਉਣ ਦੀ,
ਫਿਰ ਕਦਮ ਤੂੰ ਸੰਭਲ ਕੇ ਧਰਿਆ ਨਾ ਕਰ।
=ਬਾਗ਼ ਨੂੰ ਰਹਿੰਦੀ ਹੈ ਏਹਨਾਂ ਦੀ ਉਡੀਕ,
ਬੇਵਜਾਹ ਤੂੰ ਤਿੱਤਲੀਆਂ ਫੜਿਆ ਨਾ ਕਰ ।
=ਅਗਰ ''ਸਾਥੀ'' ਹੈ ਸਨਮ ਏਨਾ ਬੁਰਾ,
ਯਾਦ ਕਰ ਕੇ ਅੱਖ਼ ਵੀ ਭਰਿਆ ਨਾ ਕਰ ।
E Mail: drsathi41@gmail.com
No comments:
Post a Comment