ਗ਼ਜ਼ਲ

 

 

ਹੱਸਦੇ ਹੱਸਦੇ ਇਕ ਦਿਨ ਡੰਡੀਓਂ ਟੁੱਟ ਜਾਂਗੇ।

ਜਿਸ ਮਿੱਟੀ ਚੋਂ ਜਨਮੇਂ ਉਸੇ 'ਚ ਮੁੱਕ ਜਾਂਗੇ।

=ਅਸੀਂ ਹਮੇਸ਼ਾ ਛੁਪੇ ਰਹਿਣ ਦੀ ਚਾਹ ਰੱਖੀ,

ਇਕ ਦਿਨ ਵਕਤ ਦੀ ਮਿੱਟੀ ਹੇਠਾਂ ਲੁਕ ਜਾਂਗੇ।

=ਇਸ਼ਕ ਅਸਾਂ ਨੂੰ ਅਮਰ ਵੇਲ ਦੇ ਵਾਂਗਰ ਹੈ,

ਇਸ ਦੀ ਬਾਹੀਂ ਲਿਪਟੇ ਲਿਪਟੇ ਸੁੱਕ ਜਾਂਗੇ।

=ਅਸੀਂ ਤਾਂ ਚਾਨਣ ਵੰਡਦੇ ਫ਼ਿਰਦੇ ਤਾਰੇ ਆਂ,

ਚਾਨਣ ਵੰਡਦੇ ਵੰਡਦੇ ਗ਼ਗ਼ਨੋਂ ਟੁੱਟ ਜਾਂਗੇ।

=ਤੇਰੇ ਦਰ 'ਤੇ ਸਜਦੇ ਕਰ ਕਰ ਜੀਵੇ ਹਾਂ,

ਸਜਦੇ ਕਰਦੇ ਕਰਦੇ ਇਕ ਦਿਨ ਮੁੱਕ ਜਾਂਗੇ।

=ਸਾਨੂੰ "ਸਾਥੀ" ਆਪਣੇ ਨੇਹੁੰ 'ਤੇ ਫ਼ਖ਼ਰ ਬੜਾ,

ਤੇਰੀ ਅੱਖ ਦਾ ਅੱਥਰੂ ਬਣ ਕੇ ਸੁੱਕ ਜਾਂਗੇ।

 

(ਇਹ ਗ਼ਜ਼ਲ ਦੀਦਾਰ ਸਿੰਘ ਪਰਦੇਸੀ ਨੇ ਗਾਈ ਹੈ)